爱的誓言

作词 : 岗华

作曲 : 不丹民歌

Promise of love

ཚིག་རྩོམ་མཁན། གངས་དཔལ།

དབྱངས། དམངས་ཁྲོད་ནས་བཏུས།

ལེན་མཁན། མགར་བསམ་འགྲུབ་ཚེ་རིང་དང་ཁྲི་དབྱངས་ཅན།

ཤིང་ལ་མེ་ཏོག་བཞད་ཀྱང་།།

དབྱར་ཟླ་ཚེས་པ་ཙམ་རེད།།

མདོག་ལ་ཡལ་རྒྱུ་མེད་པའི།།

གསོམ་ཤིང་ཡིན་ན་བསམ་བྱུང་།།

རླུང་བུ་གཡུག་གཡུག་མ་གནང་།།

ཤིང་ལོ་ལྡེམ་ལྡེམ་མི་གཡོ།།

བྱིའུ་ཆུང་འཕུར་ན་ཁྱོད་ཡིན།།

ཡལ་ག་ཆག་ན་ང་ཡིན།

གོས་དཀར་འཕྱོ་བའི་ཁུད་ཀྱི།།

ཆུང་འདྲིས་ཤ་འཇམ་རུས་འཇམ།

ནམ་ཟླ་དགུན་ཁ་སླེབས་ཀྱང་།།

ཤ་དྲོད་སེམས་ཀྱི་མེ་ཡིན།།

དངུལ་དཀར་སོར་གདུབ་ཐོག་ལ།།

ཁྲ་ཀོང་གཡུ་ཡིས་ལྷན་ནས།།

ཟུར་མཛུབ་སྐེ་ལ་བསྐོན་ན།།

དམ་བཅའ་རུས་པས་བསྲུང་ཆོག།

སྣང་བའི་རི་ལ་འཁོར་བའི།

མོ་གཞོན་ཡུ་མོ་སྨུག་ཆུང་།།

རྫ་རྩྭ་རླུང་གིས་ཁུར་རུང་།།

རྫ་ཆུ་མཉམ་འཐུང་བྱས་ཆོག།

ལས་སྐལ་དམར་པོའི་མདུད་པ།།

ལས་ཀྱི་ལམ་ནས་ཐེབས་པས།།

མི་ཚེའི་ལ་མགོར་ཐོན་ན།།

བློ་འགྱོད་བསམ་པ་མི་འདུག།

ལང་ཚོའི་ཟིལ་དངར་ལེན་པའི།།

ཤར་པོ་གཡུ་སྦྲང་གཞོན་ནུ།།

གྲོ་ཞུན་ཟླ་བའི་ཚེས་ལ།།

དགུན་ཟླ་མེད་ན་བསམ་བྱུང་།།

མགྲིན་པ་བརྣངས་བའི་སྙིང་གཏམ།།

ཚིག་རྟིང་མནའ་ཡིས་བསྒགས་ཡོད།།

དབྱངས་ལ་བཀུག་པའི་གཞས་འདིའི།།

ངག་གི་སྲུང་མ་ཁྱོད་ཡིན།།