圆环心

ཨ་ལུང་སེམས།

ཚིག མཁན་འཇིགས་མེད་འགྲོ་ཕན།

དབྱངས། དམངས་ཁྲོད།

ལེན་མཁན། ཉི་མའི་བུ་རྒྱུད་ནམ་མཁའ།

རོལ་མོ་སྒྲིག་བཟོ་པ། བང་ཏུང་།

རྒྱུད་མང་རམ་དཀྲོལ། བང་ཏུང་།

མངའ་རིས་སྒྲ་སྙན། ནག་བཟའ་འཇམ་དབྱངས།

སྒྲ་ལེན་པ། གཡང་རོང་ཨ་དོན།

སྒྲ་ཞིབ་སྦྱོར། ཕཱིན་ཙི།

རོལ་མོ་སྤྱིའི་ལྟ་སྐུལ་པ། ཚེ་རིང་དོན་འགྲུབ།

ཡིག་སྒྱུར།  ཟླ་ཚང་དཀར་མོ་སྐྱིད།

སོ། དད་པའི་ཨ་ལུང་། བུ་ཆུང་ངའི་ཨ་ལུང་སེམས་ཀྱི། །

སོ་ཡ་ལ། འཇམ་དབྱངས༼ལ༽ཕྱག་གི །རལ་གྲི་ཐེངས་གཅིག་གཡོར་དང་། །

སྐལ་བ་བཟང་སོང་།

སོ། རལ་གྲི༼ཡ་ལ༽ ཐེངས་གཅིག༼ལ༽ང་ལ་གཡོར་དང་། །

སོ་ཡ་ལ། ཤེས་བྱའི་༼ལ༽ཚང་ཚིང་། འབྲེག་གིན་འབྲེག་གིན་ཆས་འགྲོ། སྐལ་བ་བཟང་སོང་།

སོ། དུང་བའི་ཡང་ལུང་། བུ་ཆུང་ངའི་ཡང་ལུང་དཀྱིལ་གྱི། །

སོ་ཡ་ལ། དབྱངས་ཅན༼ལ༽ཕྱག་གི །པི་ཝང་ཐེངས་གཅིག་གཡོར་དང་། །

སྐལ་བ་བཟང་སོང་།

སོ། པི་ཝང༼ཡ་ལ༽ ཐེངས་གཅིག༼ལ༽ང་ལ་གཡོར་དང་།

སོ་ཡ་ལ། སྙན་པའི་༼ལ༽གླུ་དབྱངས། ལེན་གྱིན་ལེན་གྱིན་ཆས་འགྲོ། སྐལ་བ་བཟང་སོང་།

སོ། བརྩེ་བའི་ནང་ལུང་། བུ་ཆུང་ངའི་ནང་ལུང་ཁྲོམ་གྱི། །

སོ་ཡ་ལ། གར་སྟེགས་༼ལ༽གྲུ་བཞིིའི། གཞས་ར་ཐེངས་གཅིག་གཡོར་དང་། །

སྐལ་བ་བཟང་སོང་།

སོ། གཞས་ར༼ཡ་ལ༽ཐེངས་གཅིག༼ལ༽ང་ལ་གཡོར་དང་། །

སོ་ཡ་ལ། དགའ་བའི་དགའ་བྲོ། འཁྲབ་ཀྱིན་འཁྲབ་ཀྱིན་ཆས་འགྲོ། སྐལ་བ་བཟང་སོང་།