巴域赞歌

作词 : 岗华

作曲 : 三智才让

编曲 : 三智文化传媒/王冬东

ས་འབའ་ཡུལ་སྙན་མོ་གླུ་ཡིས་བསྟོད།

ཚིག་རྩོམ་མཁན། གངས་དཔལ།

དབྱངས་རྩོམ་མཁན། མགར་བསམ་འགྲུབ་ཚེ་རིང་།

གཞས་གཏོང་མཁན། མགར་བསམ་འགྲུབ་ཚེ་རིང་།

རོལ་མོ་སྒྲིག་བཟོ་བ། བསམ་འགྲུབ་རིག་གནས་སྨྱན་བྱད། བང་ཏུང་ཏུང་།

སྒྲ་ཕབ། བསམ་འགྲུབ་རིག་གནས་སྨྱན་བྱད།

སྒྲ་ཞིབ་སྦྱོར། བསམ་འགྲུབ་རིག་གནས་སྨྱན་བྱད། ཕིན་ཙི།

དབྱར་ལ་འབའ་སྟོད་ཆུ་སྤྲིན་སྨུག་པོ་འདྲ།།

ས་བརྒྱད་ཐོབ་པའི་ས་སྐྱོང་གོ་ཆེན་དང་།།

ས་འདིའི་ས་བདག་མཐོན་པོ་བཅུ་གསུམ་ཚོགས།།

སྟོང་ཆེན་མཁའ་ལ་ལྷ་ཚོགས་བྱོན་འདྲ་ཡིན།།

ཝེར་མའི་དྲིན་ལ་གཡང་ས་ཞལ་དཀར་འདིའི།།

བསོད་ནམས་འཇའ་རིས་འོད་གུར་འཁྱུག་སེ་ཡོད།།

སྟོན་ལ་འབའ་ཐང་གསེར་གྱི་གཞོང་པ་འདྲ།།

འདོ་རིག་རྟ་ལ་བང་ཆེན་ཡེར་མོ་ཡོད།།

གཡང་དཀར་ལུག་ལ་བལ་དཀར་ཁ་ཆུ་འཇོ།།

རོག་མོ་འབྲི་ལ་འོ་མའི་རྒྱ་མཚོ་ཡོད།།

པད་མའི་ཚལ་དང་གཡེར་མོ་ཐང་ཆེན་ནས།།

བརྩེ་ཆང་མགྲིན་པས་སྐྱོར་ཏེ་གླུ་ཞིག་ལེན།།

～

དགུན་ལ་འབའ་གཞུང་བ་སོའི་གཞོང་པ་འདྲ།།

སྙེ་ལོ་འཁྱུག་པའི་འབྲུ་དྲུག་མཛོད་ན་ཡོད།།

ཤིང་ཁང་སྨུག་པོ་གསེར་གྱིས་བཀང་འདྲ་ཡོད།།

རྡོ་ར་གྲུ་བཞི་དངུལ་གྱིས་བཀང་འདྲ་ཡོད།།

སྤྲིན་དཀར་ཞོ་གསར་སྤུངས་འདྲའི་སྐུ་བསོད་ཅན།།

མཛའ་མཐུན་དུང་གི་འོ་མ་ཞབས་དག་མཛོད།།

དཔྱིད་ལ་འབའ་སྨད་དགོས་འདོད་ནོར་བུ་འདྲ།།

མཐུ་ལྡན་ཞུབས་ཆེན་དགའ་ལྡན་ཆོས་རི་དང་།།

ཡུལ་འདིའི་གཞི་བདག་བློན་པོ་བཅུ་གསུམ་ཚོགས།།

གཡེར་ཆེན་མཚོ་ལ་ཀླུ་ཚོགས་བྱོན་འདྲ་ཡིན།།

གཏེར་བདག་དྲིན་ལ་གཡང་ཆགས་ལུང་པ་འདིའི།།

རྒྱུ་ནོར་མཚོ་མོའི་གཟུགས་ཀྱིས་མེར་བ་ཡོད།།