《慈父之歌》

编曲 : q&p曲培音乐

ཕ་བཟང་བུ་གི་གླུ་དབྱངས།

ཚིག ལྷག་བསམ་རྒྱལ།

དབྱངས། ལྷག་བསམ་རྒྱལ།

ལེན་མཁན། ཨོ་རྒྱན་ཆོས་འཕེལ།

གླུ་བ་ང་ནི་དབྱར་གྱི་མེ་ཏོག་འདྲ།།

ལང་ཚོའི་མཛེས་སྡུག་དར་རེ་རྒུད་རེ་རེད།

དར་ཚེ་ས་སྒང་མཛེས་པའི་རྒྱན་ཆ་ཡིན།།

རྒུད་ཚེ་སད་ཀྱིས་བཅོམ་ལ་བློ་འགྱོད་མེད།།

ཨ་་ཡ་ལ་ནས་བསྭོ།

འདི་ནི་གླུ་བ་ཞིག་གི་ལས་དབང་རེད།།

འདི་ནི་མི་རྟག་འཁོར་བའི་ཆོས་ཉིད་རེད།།

གླུ་བ་ང་ནི་དབྱངས་ལྡན་ཁུ་བྱུག་འདྲ།།

ངག་གི་འགྱུར་ཁུག་དར་རེ་རྒུད་རེ་རེད།།

དར་ཚེ་དཔྱིད་དཔལ་བསུ་བའི་ཕོ་ཉ་ཡིན།།

རྒུད་ཚེ་མོན་ལ་ལོག་པར་བློ་འགྱོད་མེད།།

ཨ་་ཡ་ལ་ནས་བསྭོ།

འདི་ནི་གླུ་བ་ཞིག་གི་ལས་དབང་རེད།།

འདི་ནི་མི་རྟག་འཁོར་བའི་ཆོས་ཉིད།།

གླུ་བ་ང་ནི་གཡུ་འབྲུག་སྔོན་མོ་འདྲ།།

སྙན་པའི་གྲགས་པ་དར་རེ་རྒུད་རེ་རེད།།

དར་ཚེ་གནམ་ས་བསྒུལ་བའི་གད་རྒྱངས་ཡིན།།

རྒུད་ཚེ་དགུང་ནས་ཡལ་བར་བློ་འགྱོད་མེད།།

ཨ་་ཡ་ལ་ནས་བསྭོ།

འདི་ནི་གླུ་བ་ཞིག་གི་ལས་དབང་རེད། །

འདི་ནི་མི་རྟག་འཁོར་བའི་ཆོས་ཉིད་རེད།།

འདི་ནི་གླུ་བ་ཞིག་གི་ལས་དབང་རེད། །

འདི་ནི་མི་རྟག་འཁོར་བའི་ཆོས་ཉིད་རེད།།