Qiraylik / 漂亮

作词 : ozhal

作曲 : ozhal

编曲 : ozhal

 چىرايلىق

 

كۈننىڭ ئاپتاپ يۈزىدە جامالىڭىز چىرايلىق،

تۈننىڭ تولۇن كۆزىدە ھىلالىڭىز چىرايلىق.

 

كىمگە ئايان بولغۇسى مېنىڭ تەھتىسارايىم،

يەردىن يىراق ئەرشىڭىز-قارالىڭىز چىرايلىق.

 

ئاسمان-پەلەك ئۆرلىدى يۈرەكتىكى ئوتىڭىز،

ئاشىقلىقنىڭ شەرھىگە مىسالىڭىز چىرايلىق.

 

دەريالىرىم مۆلدۈرلەپ قەترىڭىزگە چاڭقىدى،

لېۋىڭىزنىڭ چەشمىسى-زىلالىڭىز چىرايلىق.

 

چۆللىرىمنىڭ كۆزلىرى بارخان-بارخان قاغجىراق،

چىمەنلەردە ئاق ئەترە خىيالىڭىز چىرايلىق.

 

ئۇچۇپ كەتكەن غايىبتىن توقۇلىدۇ مۇھەببەت،

چۆچەكلىرىم ئەگىگەن نىھالىڭىز چىرايلىق.

 

چىداپ تۇرۇپ ئۆزۈمگە پىچىرلايمەن ئازابلىق:

ھىجرانىڭىز سۆيۈملۈك، ۋىسالىڭىز چىرايلىق!