贡桑旺姆【贺词的服饰】

编曲 : q&p曲培音乐

རྟེན་འབྲེལ་ཚིག་གི་ཤན་མ།

གཞས་ཚིག་ཁྱུང་སྨྱུག་གསར་གྱིས་བྲིས།

གཞས་དབྱངས་བཀྲ་ཤིས་རྡོ་རྗེས་བརྩམས།

གཞས་གཏོང་མཁན་ཀུན་དབང་དབང་མོ།

ཡིག་སྒྱུར་བ། སྦྲ་ནག་འཚོ།

གླུ་དབྱངས་ཁྱབ་སྤེལ།  ཨོ་རྒྱན་ཆོས་འཕེལ།

གཟིམ་ཆུང་ལྷ་ཁང་ནང་དུ།།

ཉི་ཟླའི་གཟི་བྱིན་ཕོག་ཡོད།།

བྱིན་རླབས་དེ་ན་ཡོད་རེད།།

ལོ་གསར་བཟང་།

ཕ་མ་ཉི་ཟླ་གཉིས་འཛོམས།།

སྐུ་ཚེ་བདེ་ལེར་བཞུགས་རོགས།།

ནོར་བུའི་མཛོད་ཀྱི་སྒོར་མོར།།

གསེར་གྱི་པ་ཏྲ་དོད་ཡོད།།

རིན་ཐང་དེ་ན་ཡོད་རེད།།

ལོ་གསར་བཟང་།

ཕུ་ནུ་སྟག་སེང་ཁྱུང་འབྲུག།

མཛའ་བརྩེ་ཆུ་ལས་རིང་རོགས།།

གྲུམ་རྩེ་བྱ་འབྲུག་ཁ་སྤྲོད།།

ནས་ཀྱི་གཡུང་དྲུང་དོད་ཡོད།།

མདུན་ལམ་དེ་ན་ཡོད་རེད།།

ལོ་གསར་བཟང་།།

བུ་མོ་ཚེ་རིང་མཚོ་མོ།།

མི་ཚེ་སྐྱིད་ལ་འཁོར་རོགས།།

སྨོན་འདུན་ཚིག་གི་ཤན་མ།།

སྙན་མོའི་གླུ་རུ་བླངས་ཡོད།།

ལས་སྨོན་དེ་ན་ཡོད་རེད།།

ལོ་གསར་བཟང་།

ལྷག་བསམ་གཙང་མའི་རེ་འདུན།།

གཞས་ཆུང་ནང་ནས་འགྲུབ་རོགས།།