扎西多杰vs贡桑旺姆

རྟེན་འབྲེལ་ཚིག་གི་ཤན་མ།

贺词的服饰

གཞས་ཚིག་ཁྱུང་སྨྱུག་གསར་གྱིས་བྲིས།

歌词: 琼初稿

གཞས་དབྱངས་བཀྲ་ཤིས་རྡོ་རྗེས་བརྩམས།

歌曲: 扎西多杰

གཞས་པ་བཀྲ་ཤིས་རྡོ་རྗེ་དང་ཀུན་བཟང་དབང་མོ།

歌手:扎西多杰vs贡桑旺姆

གཟིམ་ཆུང་ལྷ་ཁང་ནང་དུ།།

ཉི་ཟླའི་གཟི་བྱིན་ཕོག་ཡོད།།

བྱིན་རླབས་དེ་ན་ཡོད་རེད།།

ལོ་གསར་བཟང་།

ཕ་མ་ཉི་ཟླ་གཉིས་འཛོམས།།

སྐུ་ཚེ་བདེ་ལེར་བཞུགས་རོགས།།

ནོར་བུའི་མཛོད་ཀྱི་སྒོར་མོར།།

གསེར་གྱི་པ་ཏྲ་དོད་ཡོད།།

རིན་ཐང་དེ་ན་ཡོད་རེད།།

ལོ་གསར་བཟང་།

ཕུ་ནུ་སྟག་སེང་ཁྱུང་འབྲུག།

མཛའ་བརྩེ་ཆུ་ལས་རིང་རོགས།།

གྲུམ་རྩེ་བྱ་འབྲུག་ཁ་སྤྲོད།།

ནས་ཀྱི་གཡུང་དྲུང་དོད་ཡོད།།

མདུན་ལམ་དེ་ན་ཡོད་རེད།།

ལོ་གསར་བཟང་།།

བུ་མོ་ཚེ་རིང་མཚོ་མོ།།

མི་ཚེ་སྐྱིད་ལ་འཁོར་རོགས།།

སྨོན་འདུན་ཚིག་གི་ཤན་མ།།

སྙན་མོའི་གླུ་རུ་བླངས་ཡོད།།

ལས་སྨོན་དེ་ན་ཡོད་རེད།།

ལོ་གསར་བཟང་།

ལྷག་བསམ་གཙང་མའི་རེ་འདུན།།

གཞས་ཆུང་ནང་ནས་འགྲུབ་རོགས།།