谢旦（尊贵觉囊巴）

作曲 : q&p曲培音乐

编曲 : q&p曲培音乐

དཔལ་ལྡན་རྒྱལ་བ་ཇོ་ནང་པ།

ཚིག. ངག་དབང་ཆོས་འཕགས་རྒྱ་མཚོ།

དབྱངས། ཤེར་བསྟན།

ལེན་མཁན།  ཤེར་བསྟན།

གཞི་དབྱིངས་བདེན་གཉིས་ཆོས་སྐུའི་དགོངས་ཀློང་དུ།

ཐབས་ཤེསཉི་ཟླ་གསལ་བའི་ལམ་བཟང་ལ།

ངེས་འབྱུང་བྱང་སེམས་ཐབས་ཀྱིས་ལེགས་བསྐྱོད་པའི།

སྐུ་བཞིའི་བདག་ཉིད་དཔལ་ལྡན་ཇོ་ནང་པ།

ཕྱི་རུ་སོ་ཐར་ཁྲིམས་ཀྱི་རབ་མཛེས་ཤིང།

ནང་དུ་རིམ་གསུམ་བཀའ་ཡི་མདུད་རྒྱ་གྲོལ།

གསང་བ་གཟུང་འཛིན་ཀུན་རྟོགས་བྲལ་བའི་གཤེས།

ཀུན་ཁྱབ་བདག་ཉིད་དཔལ་ལྡན་ཇོ་ནང་པ།

ལྟ་བ་ཆོས་ཉིད་རྟག་བརྟན་གཤེས་སུ་གྲུབ།

སྒོམ་པ་ཞི་ལྷག་ཟུང་འབྲེལ་ཟབ་མོའི་ལམ།

སྤྱོད་པ་འཚེ་མེད་ཞི་བསིལ་འོད་དཀར་གྱིས།

སྐྱེ་རྒུ་སྐྱོང་མཛད་དཔལ་ལྡན་ཇོ་ནང་པ།

ཁྱད་པར་དཔལ་ལྟན་དུས་ཀྱི་འཁོར་ལོ་ཡི།

རིམ་གཉིས་ལམ་གྱི་བསྒྲོད་པ་མཐར་ཕྱིན་ཏེ།

མཐར་ཐུག་སྐུ་བཞིའི་ལམ་ལ་འགོད་པའི་གཉེན།

ངེས་དོན་གྲུབ་བརྒྱའི་གཙུག་བརྒྱན་ཇོ་ནང་པ།

མཐར་ཐུག་སྐུ་བཞིའི་ལམ་ལ་འགོད་པའི་གཉེན།

ངེས་དོན་གྲུབ་བརྒྱའི་གཙུག་བརྒྱན་ཇོ་ནང་པ།