赞颂雪域杜鹃

作词 : 贡唐仓.丹贝旺旭

作曲 : 贡唐仓.丹贝旺旭

编曲 : 科旦

ཁུ་བྱུག་ལ་གསུངས་བའི་མགུར།

ཚིག་དང་དབྱངས། གུང་ཐང་བསྟན་པའི་དབང་ཕྱུག

ལེན་མཁན། རིག་འཛིན་ཐར།

རོལ་མོ།  ཁོ་བསྟན།

སྒྲ་ལེན་དང་མཛེས་བཟོ།  འབྲུག་ཆུང་རྒྱལ།

ནགས་ཚལ་སྟུག་པོའི་ཁྲོད་ནས།

སྨན་ཆུང་ཁུ་བྱུག་སྔོན་མོ།།

གསུང་སྙན་རེ་རེ་སྒྲོག་དང་།།

སེམས་ལ་སྨྲེང་པ་སྐྱེས་སོང་།།

འདབ་ཆགས་བྱ་ཡི་ལུས་ལ།།

ལྷ་ཡི་གསུང་སྙན་ལྡན་ཁྱོད།།

ལྷོ་མོན་ཕྱོགས་ནས་ཡོང་བས།།

ལུས་ལ་མཉེལ་བ་མེད་དམ།།

ལྷོ་མོན་ཕྱོགས་ནས་ཡོང་བས།།

ལུས་ལ་མཉེལ་བ་མེད་དམ།།

སྒྲོ་ལྡན་རྨ་བྱ་གཞོན་ནུ།།

བྱ་བརྒྱའི་མཛེས་མ་ལེགས་ཀྱང་།།

མགོ་ནག་བོད་འདི་དགའ་ས།།

ཁུ་བྱུག་སྔོན་མོ་ཁྱོད་རེད།།

ཁྱོད་ཀྱིས་གསུང་སྙན་སྒྲོག་དུས།།

ནམ་ཟླ་དབྱར་གྱི་མགོ་ཚུགས།།

གནམ་ལ་ཆར་ཆུ་མང་བས།།

ས་ལ་རྩི་བཅུད་རྒྱས་སོང་།།

གནམ་ལ་ཆར་ཆུ་མང་བས།།

ས་ལ་རྩི་བཅུད་རྒྱས་སོང་།།

སྐྱིད་པའི་སྤང་ལྗོངས་སྟེང་ནས།།

དགའ་བའི་དགའ་བྲོ་འཁྲབ་སོང་།

སྐྱེ་བ་ཡང་ཡང་རྩེ་བའི།།

སྨོན་ལམ་ནན་ཏན་འདེབས་སོང་།།

སྐྱེ་བ་ཡང་ཡང་རྩེད་པའི།།

སྨོན་ལམ་ནན་ཏན་འདེབས་པོ།།

སྨོན་ལམ་ཡང་ཡང་འདེབས་སོ།།

ང་རང་སེམས་པ་དགའ་སོང་།།