Qiz-Yigit --- 情侣

作词 : Adila Sidik

作曲 : Adila Sidik

سەن جاھاننىڭ ئەركىسى سەن نەۋقىران يىگىت

سەن جۈرئەتلىك شاھ بېتىدە مىسران يىگىت

زىممەڭگە ھەم يۈكلەنسىمۇ تاغدەك ئېغىر يۈك

سەن ئېگىلمەس بەيگىسىدە جەسۇرانە يىگىت

سەن ھاياتنىڭ بەرىكىتى سەن تىلتۇمارىم قىز

سەن مېھىرلەر ئەلچىسى سەن مېھرىبانىم قىز

سەن گويا بىر دېڭىز كەبى ئىللىق باغرىمدا

مېھىر بېرىپ پەرۋىش ئەتكەن پاسىبانىم قىز

ئادەم ئاتا دولقۇنلىرى بار قېنىمىزدا

ھاۋا ئانا ئوغۇز سۈتى بار لېۋىمىزدا

بۇ ئالەمنىڭ ئۇ قېتى سەن بۇ قېتىدا مەن

ئەسلى شۇنداق چىن ئىرادە بار دىلىمىزدا

بەخت قۇشۇڭ بولۇپ ھەردەم قوناي شېخىڭدا

دەرتلىرىڭگە بولۇپ دەرتمەن ئاقاي يېشىڭدا

ياشىغىن سەن ياشنىغىن سەن

ئەي مېنىڭ ئەركەم

مۇھەببەتكە سۆيگۈگە تول بولسام قېشىڭدا

سېنىڭسىز ئالەم بولالماس ئاستانە

سېنىڭسىز ئادەم ئۆزى بىر يىگانە

سېنىڭسىز كۈنلەر يۈرەرمەن سەرسانە

سېنىڭسىز تۈنلەر ئۇيقۇدىن بىگانە

سېنىڭسىز ئالەم بولالماس ئاستانە

سېنىڭسىز ئادەم ئۆزى بىر يىگانە

سېنىڭسىز كۈنلەر يۈرەرمەن سەرسانە

سېنىڭسىز تۈنلەر ئۇيقۇدىن بىگانە