希望之光

作词 : 岗华

作曲 : 三智才让

编曲 : 谢尔巴

录音：巴·阿普

翻译：索多

ཉོན་མོངས་ཀྱི་རྡོག་ཁྲེས་ཁུར་བའི་སེམས་པ་རེ་རེ།

གཉན་རིམས་ཀྱི་ལག་པས་བཟུང་ནས་བྲག་ལ་བརྡར་བས།

ཤ་ཚ་བའི་སྡུག་ཡུས་ཀྱི་སྤྲིན་པའི་ཁ་ཆར།

མི་རེ་རེའི་སྙིང་རྗེ་ཡི་མིག་མཐའ་ལ་བབས་བྱུང་།

ང་ཡི་སྤུན་ཟླ། ང་ཡི་སྙིང་ཉེ།

ང་ཡི་ནང་མི། ང་ཡི་གཅེས་ཕྲུག

གཉའ་བཞག་ན་དཔའ་མ་ཞུམ།

སྡུག་ཐོན་རུང་ཞེ་མ་འཁྱག

མཐའ་ཡས་པའི་ནམ་མཁའ་ཁོག་ཏུ་རུམ་དང་།

སྤྲིན་དཀར་གྱི་འདབ་མ་གྱོན་པའི་ལྷ་རྗེ་རྩིབ་ན་ཡོད།

མཚམས་སྤྲིན་གྱི་ན་བཟའ་གྱོན་པའི་སེམས་དཔའ་རྩིབ་ན་ཡོད།

སྐྱིད་སྡུག་གི་ཁ་རུ་མཉམ་པའི་ནང་མི་རྩིབ་ན་ཡོད།

དཀའ་སྡུག་གི་གདུང་བ་བསུ་བའི་སངས་རྒྱས་རྩིབ་ན་ཡོད།

སྐྱེ་འཆི་བརྗེ་བའི་རླབས་ཆེན་གྱི་ཕ་མ་ཡང་རྩིབ་ན་ཡོད།

རང་བྱུང་གི་བཅུད་ཀྱིས་གསོས་པའི་འགྲོ་བ་མི་ལགས།

གཉན་ལས་ཀྱི་རྣམ་སྨིན་ལྕི་མོའི་སྡིག་སྒྲིབ་སྨིན་ཡང་།

མནོལ་བསང་བའི་རྣམ་འཇོམས་ཀྱི་བདུད་རྩིའི་བྱབས་ཁྲུས།

མི་རེ་རེའི་བྱམས་སེམས་ཀྱི་ཉི་མ་ལས་འཕྲོས་ཡོང་།

ང་ཡི་སྤུན་ཟླ། ང་ཡི་སྙིང་ཉེ།

ང་ཡི་ནང་མི། ང་ཡི་གཅེས་ཕྲུག

མགོར་བབ་ན་བློ་མ་ཕམ།

ཡིད་སྐྱོ་རུང་སེམས་མ་ངུ།

སྒམ་བརླིང་གི་ས་ཆེན་ཤུགས་ཀྱིས་ནོན་དང་།

མུ་ཏིག་གི་མཆི་མ་འཐོར་བའི་སྐད་ཆ་སེམས་ན་ཡོད།

ནད་གདོན་གྱི་བར་ཆད་སེལ་བའི་སྨོན་ལམ་སེམས་ན་ཡོད།

མེ་ཏོག་གི་ན་ལོ་ལྡེམ་པའི་ལེགས་སྐྱེས་སེམས་ན་ཡོད།

དྲི་མེད་ཀྱི་ཁ་བཏགས་བཟུང་བའི་འཚམ་འདྲི་སེམས་ན་ཡོད།

སྙིང་རྗེ་ཚེས་པའི་ཤེས་རབ་ཀྱི་དགོངས་པ་ཡང་སེམས་ན་ཡོད།

ཤེས་རབ་ཀྱི་དགོངས་པ་ཡང་སེམས་ན་ཡོད།