旦增康卓【故乡雪域】

ཕ་ཡུལ་གངས་ལྗོངས།

ཚིག། བཙན་ཁ་ཤོར།

དབྱངས། པ་སངས།

གཞས་མ། བསྟན་འཛིན་མཁའ་འགྲོ།

གླུ་དབྱངས་སྒྲོན་འདོན།  ཨོ་རྒྱན་ཆོས་འཕེལ།

རི་བོ་ཐམས་ཅད་གངས་རི་ཡིན།

གངས་ལ་དཔའ་བོ་འཁྲུངས་ས་ཡིན།

ཆུ་བོ་ཡོད་ཚད་བདུད་རྩི་ཡིན།

བདུད་རྩི་སྲོག་གི་ཆབ་རྒྱུན་ཡིན།

རྩ་ཐང་ལེབ་མོ་སྨན་ལྗོངས་ཡིན།

སྨན་ལྗོངས་མི་ཡི་དག་ཞིང་ཡིན།

རིགས་ནི་ཡར་ཀླུང་མི་རྒྱད་ཡིན།

ཡར་ཀླུང་མི་རྒྱད་གཙང་མ་ཡིན།

དཔའ་ཡང་དཔའ་ལ་བཛངས་ཤིང་མཛངས།

བཙན་པོ་གོང་མི་དཔའ་མཛངས་ལྡན།

གངས་ཅན་རིགས་རུས་ལྷ་ཡི་རྒྱད།

འགྲོ་བ་རྣམས་པ་བྱམས་བརྩེ་ལྡན།

བྱམས་བརྩེའི་འོད་སྣང་ཀུན་ལ་ཁྱབ།

འཚེ་མེད་ཞི་བའི་འཇིག་རྟེན་ཞིག།

བྱང་ཕྱོགས་གངས་ཀྱི་ཡུལ་ན་མཛེས།

ང་ནི་བསོད་ནམས་བསགས་པའི་བོད།

བོད་ལ་སྐྱེ་བ་བསོད་ནམས་ཆེ།

ང་ནི་བསོད་ནམས་བསགས་པའི་བོད།

བོད་ལ་སྐྱེ་བ་བསོད་ནམས་ཆེ།