童谣

作词 : 仁青道吉

作曲 : 仁青道吉

编曲 : 仁青道吉

བྱིས་གླུ

ཚིག བསང་ཚེ་བཀྲ

དབྱངས བསང་གསེར་མིག

ལེན་མཁན རིན་ཆེན་རྡོ་རྗེ།

ད་ནངས་ཉི་ཤར་རྩེ་ནས།

ཐི་གུ་གཡས་བརྒྱུས་གཡོན་བརྒྱུས།

སྒ་སྲབ་གཅིག་བཟོ་གཉིས་བཟོ།

ཕྱིང་དཀར་ཆུ་ལ་བརྟེན་ནས།

ཨ་ཕས་དཀའ་ལས་རེག་སོང་།

ཨ་ཕ་ཡ་་་ཨ་ཕ་ལགས།

ཇ་ཁར་ཇ་ལོ་བཏབ་ཡོད།

རྩམ་པ་ཕྱེ་མར་གཏོར་ཡོད།

ཅུང་ཙམ་ངལ་ཞིག་གསོ་རོགས།

ཨ་ཕ་ཡ་་་ཨ་ཕ་ལགས།

འབྲི་མོ་རི་ལ་དེད་རྗེས།

རྩིད་པ་གཅིག་གསེད་གཉིས་གསེད།

གྲུ་གུ་གཅིག་འགྲིལ་གཉིས་འགྲིལ།

རྒྱུ་སྤུན་ཐགས་ལ་དྲངས་ནས།

ཨ་མས་དཀའ་ལས་རེག་སོང་།

ཨ་མ་ཡ་་་ཨ་མ་ལགས

བོང་ཁ་རིལ་མ་བླུག་ཡོད།

ཐབ་ལ་འོ་ཇ་བསྐོལ་ཡོད།

ཅུང་ཙམ་ངལ་ཞིག་གསོ་རོགས།

ཨ་མ་ཡ་་་ཨ་མ་ལགས

ས་ནག་གད་པའི་ཁ་ནས།

རྟ་ཕོ་ལྕང་མ་ཞོན་ཞོར།

ཐེ་གེ་མང་ཉུང་བརྩད་ནས།

རྩེད་རྡོའི་ཡག་བཙོག་འགྲན་ཏེ།

ཡུལ་ལ་ལོག་པར་བརྗེད་སོང་།

ཕ་མ་ཡ་་་ཕ་མ་ལགས།

འགྲོ་ཁའི་འདུན་པ་བོར་སོང་།

ཁྱིམ་གྱི་ལས་བྱ་བརྗེད་སོང་།

ང་ལ་བཟོད་སྒོམ་གནང་རོགས།

ཕ་མ་ཡ་་་ཕ་མ་ལགས