རྒྱ་ཚ་ཞལ་དཀར་གྱི་དཔའ་གླུ།仁青朗加

སྒྲུང་ལེན་མཁན། རིན་ཆེན་རྣམ་རྒྱལ།

གླུ་ཨ་ལ་ལ་མོ་ཨ་ལ་ལེན། །

མ་ཐ་ལ་ལ་མོ་ཐ་ལ་ལེན། །

སྐྱབས་བླ་མ་ཡི་དམ་དཀོན་མཆོག་གསུམ། །

གནས་མི་འབྲལ་སྤྱི་བོའི་རྒྱན་ཏུ་བཞུགས། །

ང་འདྲ་ང་ངོ་མ་ཤེས་ན།

དཔའ་མི་འགྱུར་རྒྱ་ཚ་ཞལ་དཀར་ཡིན། །

ས་འདི་ཡི་ས་ངོ་མ་ཤེས་ན། །

འདི་གླིང་དཀར་མཐོང་བ་ཀུན་སྨོན་རེད། །

ཡང་རྒྱ་ཁྲ་ཉི་ཁྲི་ལྷ་བུ་གསུམ། །

རྒྱ་མི་ཆེན་དཔོན་གྱི་ཚ་བུ་ཡིན། །

རྟ་རྒྱ་བྱ་ཆུ་བྱ་རྨ་བྱ་གསུམ། །

རྒྱ་ནག་ཡུལ་གྱི་གྱི་ལང་རེད། །

མཚོན་ཡ་ཟི་ཨ་ཟི་འགུ་ཟི་གསུམ། །

སྨུག་པོ་རྒྱ་ཡིས་གནང་ལེ་ཡིན། །

ངའི་རྣོ་གཅོད་ཡ་ཟི་སྐར་ཕྲན་དེ། །

མི་གཞན་ལ་ནི་མ་གཏད་རང་གིས་ཉལ། །

འདི་འཆང་ན་རང་སྲོག་ཁེབ་ལེ་ཡིན། །

འདི་བྱར་ན་དགྲ་དཔུང་ཐུལ་ལེ་ཡིན། །

གྲི་བྱར་བ་མི་འདྲ་འབར་བ་འདྲ། །

བུ་རང་གི་དགྲ་ལ་འབར་བ་འདྲ། །

གྲི་གཡུག་པ་མི་འདྲ་ཟ་བ་འདྲ། །

སྡང་དགྲ་བོའི་གློ་སྙིང་ཟ་བ་འདྲ། །

སྒ་སྐྱ་ལོའི་མི་རྒྱུ་འཁོར་བཅས་དེ། །

གླིང་ཕུ་ནུའི་ལག་ལ་སྤྲད་ལེ་མིན། །

ཁྱོད་བདུད་ཀྱི་བུ་ལ་སྤྲད་པ་ན། །

དཔའ་རྒྱ་ཚ་ཤི་བའི་རོ་དང་འདྲ། །

གླུ་གོ་ན་རྣ་བའི་བུ་རིམ་གྱིས། །

མ་གོས་གླུ་ལ་འབྲེལ་བ་མེད། །