心中的音符

编曲 : q&p曲培音乐

སེམས་ཀྱི་རོལ་མོ།

གླུ་ཚིག   ལྷ་རྩེའི་ཁུ་བྱུག

དབྱངས། བན་ཚང་བློ་བཟང་།

གླུ་མ།  ཆོས་དབྱིངས་མཚོ།

ཆུ་བོ་ཤང་ཤང་འཛུམ་དུས།།

མེ་ཏོག་དྲི་ཞིམ་འཐུལ་སོང་།།

བུང་བའི་མགྲིན་དབྱངས་སྙན་པ།།

ང་དང་ཁྱོད་ཀྱི་ལས་དབང།།

དབྱར་གྱི་སྤྲིན་དཀར་ཡིན་སོང་།།

ཁུ་བྱུག་བུ་མོའི་མཛའ་གླུ།།

རི་བོའི་རྩེ་ནས་སྒྲོག་དུས།།

སུ་རུ་མེ་ཏོག་ཚལ་ནས།།

ང་དང་ཁྱོད་ཀྱི་གསང་བ་།།

ཕྱེ་ལེབ་སྒེག་མོ་ཡིན་སོང་།།

རྒྱང་རིང་རི་ཚོགས་བར་དུ།།

སྤྲིན་པ་ལྷོ་ལ་བཞུད་སོང་།།

རྩལ་ལྡན་ཐང་དཀར་སྒེགས་མོ།།

ང་དང་ཁྱོད་ཀྱི་རེ་སྒུག།

མཚོ་མཐའི་རླབས་ཕྲེང་ཡིན་སོང་།།

མཚོ་མཐའི་རླབས་ཕྲེང་ཡིན་སོང་།།