欢乐酒歌 林秋

编曲 : 康索次

དགའ་ལྷང་ལྷང་གི་ཆང་གཞས།

གླུ་ཡང་ལེན་མཁན་ང་རེད། །

བྲོ་ཡང་འཁྲབ་མཁན་ང་རེད།

བཞུགས་གྲལ་སྒོར་མོའི་དཀྱིལ་ལ།།

ཨ་ཕོ་ང་རང་མེད་ན།།

དགོད་སྒྲ་ཡོང་ས་མ་རེད།།

ཕ་མ་མིང་སྲིང་བཞུགས་ཤིང་།།

སྐུ་ལུས་བདེ་བའི་དུས་སུ།།

ཤུས་རིང་བཏང་གི་མ་འདུག

སེམས་པ་ཉོབ་གི་མ་འདུག

བདེ་མོ་འཚམ་པོ་ཡིན་པའི།།

ད་ལྟའི་ཉི་མ་འདི་འདྲ།།

འཆར་བའི་སྨོན་ལམ་འདེབས་བཞིན།།

མི་རེས་གླུ་རེ་ལོངས་དང་།།

སེམས་པ་སྤྲོ་སྤྲོ་གནོངས་དང་།།

ཆང་ཡང་འཐུང་མཁན་ང་རེད།།

ཤགས་ཀྱང་འགྱེད་མཁན་ང་རེད།།

ཕོ་གཞོན་གྲལ་གྱི་དབུས་སུ།།

ཕོ་སར་ང་རང་མེད་ན།།

རྩེད་མོ་ཡོང་ས་མ་རེད།།

ཚན་རྩལ་ཡར་ངོ་རྒྱས་ཞིང།།

རྒྱུ་འབྱོར་མཚོ་མོ་འཁྱིལ་བས།།

ཨལ་སྟོང་རྒྱག་གི་མ་འདུག།

ཁ་པར་གཡེང་གི་མ་འདུག།

སྙིང་ནས་ཕྱུང་བའི་སྙིང་གཏམ།།

བཤད་པའི་ལྷན་འཛོམས་འདི་འདྲ།།

ཡོང་བའི་སྨོན་ལམ་འདེབས་བཞིན།།

ང་ཚོས་བྲོ་ཞིག་འཁྲབ་དང་།།

སེམས་པ་སྤྲོ་སྤྲོ་གནོངས་དང་།།