贡觉平措【马背上的弹唱】

编曲 : q&p曲培音乐

རྟ་ཐོག་གི་རྒྱུག་ལེན་།

ཚིག རྒྱ་འདུ་སངས་རྒྱས་།

དབྱངས།  ཨ་མཆོག་སྙིང་དཀར་།

ལེན་མཁན། དཀོན་མཆོག་ཕུན་ཚོགས་།

གླུ་དབྱངས་སྒྲོག་འདོན། ཆོས་འཕེལ་འཕྲིན་སྟེགས་ལས་སྒྲུབ་ཁང།

གླིང་གེ་སར་ཚང་ལ་གྱི་ལིང་བརྒྱ།

རྟ་གྱི་ལིང་ཞོན་པའི་སྟག་ཤར་ངས།

སྒ་སྔ་རུ་ཉི་མ་རང་ཤར་འདྲ།

སྒ་ཕྱི་རུ་ཟླ་བ་ཚེས་འདྲ་བསྟད།

ཐང་ཆེན་པོ་བདེ་མོ་ཐང་ནས་རྒྱུགས།

རྟ་གྱི་ལིང་དགའ་བ་དེའི་དོན་རེད།

ངས་མངའ་རིས་སྒྲ་སྙན་བརྡུང་བཞིན་ལེན།

སྒྲ་སྙན་མོའི་འགྱུར་ཁུགས་སྟོང་ལྡན་ངས།

ངག་གྲེ་འགྱུར་ཁུ་བྱུག་གདངས་ལ་འགྲན།

ལུས་རྩལ་དྲུག་རྨ་བྱའི་ཉམས་ལ་འགྲན།

རྟ་གྱི་ལིང་ཞོན་གི་གདོང་དམར་སྐྱིད།

བོད་སྟག་ཤར་སྤྲོ་བ་དེའི་དོན་རེད།

བོད་ལྷ་སྐལ་ཆོས་སྐལ་ཐོབ་སྐལ་བརྒྱ།

ཆོས་མ་ཎི་འདོན་པའི་དད་ལྡན་ངས།

དུས་དེ་རིང་དགའ་བའི་གླུ་ཞིག་ལེན།

ཨ་ལ་ཧོ་སྐྱིད་པའི་གར་ལ་འགྲོ།

འདིར་ཁྲོམ་པ་དགའ་ན་ང་རང་དགའ།

བོད་བསོད་ནམས་ཆེ་བ་དེའི་དོན་རེད།

འདིར་ཁྲོམ་པ་དགའ་ན་ང་རང་དགའ།

བོད་བསོད་ནམས་ཆེ་བ་དེའི་དོན་རེད།