三大雪山

作词 : 巴加

作曲 : 土登

སྟོད་ཀྱི་མངར་རིས་སྐོར་གསུམ་གྱི།

གནས་ཆེན་པོ་གངས་དཀར་ཏི་སེ་ནི།

ཡེ་སྲིད་པ་ཆགས་པའིགངས་རྒན་རེད

མཚོ་མ་ཕམ་གཡུ་མཚོ་རྒྱབ་རི་རེད།

ཨ་ལ་གཡེར་་་་་་སྤུན་ཟླ་ཚོ

ཕྱག་འཚལ་བསྐོར་བ་ཕུལ་དང་།

ཚེ་བསོད་ནམས་འཕེལ་་ཡང་།

སྤན་ཟླ་ཚོ།

བར་ཀྱི་ཨ་ཆེན་བྱང་ཐང་གི།

རི་མཐོན་པོ་གཉན་ཆེན་ཐང་ལྷ་ནི།

བོད་མགུར་བཅུ་གསུམ་ནང་གསེར་རེད།

བྱང་གནམ་མཚོ་ཕྱུག་མོའི་རྒྱབ་རི་རེད།

ཨ་ལ་གཡེར་་་་་་ཤ་ཉེ་ཚོ།

རླུང་རྟ་སྣ་ལྔ་གཏོར་དང་།

ལས་རླུང་རྟ་དར་ཡོང་

ཤ་ཉེ་ཚོ།

སྨད་ཀྱི་མདོ་ཁམས་སྒང་དྲུག་གི།

ཤར་རི་ཆེན་རྨ་རྒྱལ་སྤོམ་ར་ནི།

བོད་ཁ་བ་ཅན་གྱི་ཡུལ་ལྷ་རེད།

གཡང་འདོད་རྒུ་འཁོར་བའི་ནོར་ལྷ་རེད།

ཨ་ལ་གཡེར་་་་་་་་གྲོགས་པོ་ཚོ

ལྷ་བསང་ཡར་ལ་ཐོངས་དང་།

ནོར་ལོངས་སྤྱོད་རྒྱས་ཡང་།

གྲོགས་པོ་ཚོ།