岗尖之宝

作词 : 日当呷扎

作曲 : 才让东珠

མཐོ་བོད་གཞུང་ལམ་རིང་མོ་ན།།

མི་ཚོགས་ཁྲ་ཁྲ་ཟིང་ཟིང་དེས།།

དད་པའི་སྨོན་ལམ་ཁུར་བཞིན་དུ།།

གངས་ལྗོངས་ཡུལ་ན་བསྐྱོད་པ་འདི།།

ངོ་མཚར་ལྷ་ཡུལ་འགྲིམས་པ་ཡིན།།

བྱམས་བརྩེ་ལྷ་ཕྲུག་མཇལ་བ་ཡིན།།

མི་ཚོགས་མི་ཚོགས་ང་ལ་ཉོན།།

ཡེ། ང་ལ་ཉོན།།

འཛམ་གླིང་གཙུག་ཏོར་དཀར་མོ་ན།།

ས་ཆུ་དྭངས་གཙང་ཤིག་ཤིག་ཡོད།།

དེ་ལ་གད་སྙིགས་བརྡལ་མི་ཉན།།

ཡོད་ཚད་རང་བྱུང་ཁོར་ཡུག་དེ།།

སྲིད་པའི་ཞིང་ཁམས་རྡོག་གཅིག་ཡིན།།

སྲིད་པའི་ཞིང་ཁམས་རྡོག་གཅིག་ཡིན།།

མཐོ་བོད་གཞུང་ལམ་རིང་མོ་ན།།

མི་ཚོགས་ཁྲ་ཁྲ་ཟིང་ཟིང་དེས།།

ཡུལ་སྐོར་ལྟད་མོར་རོལ་བཞིན་དུ།།

གངས་ལྗོངས་ཡུལ་ལ་བསྐྱོད་པ་འདི།།

ས་ཡི་དཀྱེལ་ལ་ཧེབ་པ་ཡིན།།

སེམས་ཀྱི་གུ་ཡངས་ཀློག་པ་ཡིན།།

མི་ཚོགས་མི་ཚོགས་ང་ལ་ཉོན།།

ཡེ། ང་ལ་ཉོན།།

འཛམ་གླིང་གཙུག་ཏོར་དཀར་མོ་ན།།

རིན་ཆེན་གཏེར་ཁ་ཤོམ་ཤོམ་ཡོད།།

དེ་ལ་གས་སྲུབས་གཏོང་མི་ཉན།།

ཡོད་ཚད་རིན་བྲལ་ནོར་བུ་དེ།།

སྲིད་པའི་གཡང་བུམ་རྡོག་གཅིག་ཡིན།།

འཛམ་གླིང་གཙུག་ཏོར་དཀར་མོ་ན།།

རིན་ཆེན་གཏེར་ཁ་ཤོམ་ཤོམ་ཡོད།།

དེ་ལ་གས་སྲུབས་གཏོང་མི་ཉན།།

ཡོད་ཚད་རིན་བྲལ་ནོར་བུ་དེ།།

སྲིད་པའི་གཡང་བུམ་རྡོག་གཅིག་ཡིན།།

སྲིད་པའི་གཡང་བུམ་རྡོག་གཅིག་ཡིན།།