Aqa - Singil/姐妹

ئاچا باغدا پۇتۇمغا تىكەن سانجىلىپ يىغلىسام

سىزمۇ يىغلىدىڭىزغۇ

سىزنىڭمۇ پۇتىڭىزغا تىكەن سانجىلدىمۇ

ياق سىڭلىم سىزنىڭ پۇتىڭىزغا سانجىلغان تىكەن

مېنىڭ يۈرۈكۈمگە سانجىلدى

سىزنىڭ كۆزىڭىزدىن ياش ئاقسا

مېنىڭ يۈرۈكۈمدىن قان ئاقدۇ سىڭلىم

ئاچا - سىڭىل

شېئىرى قۇربان ئوسمان قوزام

مۇزىكىسى ئاكورتلاشتۇرغۇچى شۆھرەت رېھىم

ئاۋاز ئالغۇچى سۈرئەت غەيرەت سەركۈي ستۇدىيەسى

تەرجىمان ئەزھەرجان مەھمۇد

يادىڭدا بارمۇ مېھرىبان ئاچا

چېچىمنى ئۆرۈپ تارىغانلىرىڭ

باغدا قولۇمغا تىكەن كىرگەندە

باغرىڭغا بېسىپ يىغلىغانلىرىڭ

يادىمدا مېنىڭ جان جىگەر سىڭلىم

تىكەننى ئېلىپ باغرىمغا باسسام

سېنىڭ قولۇڭمۇ ئاغرىدىمۇ دەپ

يېشىمنى سۈرتكەچ سورىغانلىرىڭ

مۇزىكا

سايىۋەن بولدۇڭ قار جۇدۇنلاردا

چىچەگىمگە ئۈشۈك ئۇرغۇزماي

باغۋىنىم بولۇپ ئۆستۈردۈڭ مېنى

گۈل بەرگىمگە توزان قوندۇرماي

ئاپپاق ئاي سىڭلىم سەنمۇ چوڭ بۇلدۇڭ

ماڭا يار – يۆلەك قول – قانات بولدۇڭ

قان قېرىنداشلىق مېھىر ۋاپانى

قەلەم - قەغەزسىز كۆكسۈمگە ئويدۇڭ

مۇزىكا

بىرىمىز رەيھان بىرىمىز لالە

چىمەنزار باغنىڭ بىر جۈپ گۈلىبىز

قەلبىمىز زىلال ھۆسنىمىز ھىلال

قوشماق قوشكېزەك ئاچا – سىڭىل بىز

بىرىمىز رەيھان بىرىمىز لالە

چىمەنزار باغنىڭ بىر جۈپ گۈلىبىز

قەلبىمىز زىلال ھۆسنىمىز ھىلال

قوشماق قوشكېزەك ئاچا – سىڭىل بىز