给阿帕

作曲 : 戈桑玛

作词：索南尖参

编曲：Dodo

童声：桑德成立

དྲན་དྲན་སྙིང་ལ་བརྡོལ་བའི་ཨ་ཕ།།

འཇིག་རྟེན་ཡུལ་ན་ཡོད་དུས་མ་ཤེས།།

བརྩེ་བ་སེམས་ལ་བསུབ་མེད་ཡིན་དུས།།

ཕ་ལོ་གཤིན་ཡུལ་འགྲིམ་པས་སྐྱོ་སོང་།།

སྙན་སྙན་ཚར་མེད་ཁ་ཏའི་ཚིག་གསུམ།།

མི་ཡུལ་འདི་ན་ཡོད་དུས་མ་ཤེས།།

སྙན་པ་སེམས་ལ་བརྗེད་མེད་ཡིན་དུས།།

ཕ་ལོ་གཤིན་ཡུལ་འགྲིམ་པས་སྐྱོ་སོང་།།

la la la... ...

la la la... ...

སེམས་སེམས་བུ་ཕྲུག་སྐྱོང་བའིཨ་ཕ། །

ཕ་ཁྱིམ་གཅིག་ལ་ཡོད་དུས་མ་ཤེས།།

བསམ་པ་ཡིད་ལ་ཡལ་མེད་ཡིན་དུས།།

ཕ་ལོ་གཤིན་ཡུལ་འགྲིམ་པས་སྐྱོ་སོང་།།

གཞན་ཡུལ་འགྲིམ་པའི་དྲིན་ཆེན་ཨ་ཕ། །

མ་དང་བུ་མོར་སེམས་པ་མ་ཆག།

ནར་སོན་བུ་མོས་ནུས་པ་ཡོད་དགུས།།

མི་ཡུལ་ཤུལ་བཞག་མ་ལ་རེམ་ངེས། །

ཁྱེད་ཉིད་འདི་ལྟར་གཞན་དུ་ཆས་པས། །

བུ་མོའི་སེམས་ལ་ན་ཟིག་ཆེ་ཡང་། །

དཀོན་མཆོག་གསུམ་པོའི་ཐུགས་རྗེས་གཟིགས་ཤིག།

སླར་ཡང་གཞིས་ཁྱིམ་གཅིག་དུ་འཛོམས་རོགས། །

དེ་རིང་བླངས་པའི་གླུ་ཆུང་འདི་ཉིད།།

ལྷ་བྱ་ཕོ་རོག་ཞིག་ལ་བསྐུར་ཡོད། །

བུ་མོའི་དྲན་གདུང་འབོད་སྐུལ་གཙང་མ། །

མ་གསང་མ་ལུས་ཕ་ལ་སྤྲོད་རོགས།།

དེ་རིང་བླངས་པའི་གླུ་ཆུང་འདི་ཉིད།།

ལྷ་བྱ་ཕོ་རོག་ཞིག་ལ་བསྐུར་ཡོད། །

བུ་མོའི་དྲན་གདུང་འབོད་སྐུལ་གཙང་མ། །

མ་གསང་མ་ལུས་ཕ་ལ་སྤྲོད་རོགས།།