藏家之音

作词 : 久谢才让

作曲 : 格杰白玛

གངས་རིའི་རྩེ་ལ་བྱམས་པའི་གཤོག་ཟུང་བརྐྱངས།།

སྦྲ་ནག་ནང་དུ་མེས་པོའི་རུས་རྒྱུད་གཉོར།།

ས་ཆེན་སྟེང་དུ་འཁོར་བའི་རྐང་རྗེས་བྲིས།།

ཁ་བ་ཅན་གྱི་བོད་མོའི་མགྲིན་དབྱངས་སྙན།།

གླུ་ཞིག་ལོངས་དང་། བྲོ་ཞིག་འཁྲོབས་དང་།

གླུ་ཞིག་ལོངས་དང་། བྲོ་ཞིག་འཁྲོབས་དང་།

སེམས་པ་སེམས་པས་སྦྲེལ་ཆོག

དུང་བ་མཚོ་ལ་བསྐྱིལ་ཆོག

སེམས་པ་སེམས་པས་སྦྲེལ་ཆོག

དུང་བ་མཚོ་ལ་བསྐྱིལ་ཆོག

མི་རྒྱུད་གཙང་མའི་ཁྲག་ཡིག་བོད་ལ་བྲིས།།

མ་ཎིའི་མགུར་དབྱངས་སྙན་མོ་དབྱངས་སུ་བཀུག།

ཞིང་ཚིགས་གྲུ་བཞིའི་ནང་གི་མེ་ཏོག་དེ།།

ཁ་བ་ཅན་གྱི་བོད་མོའི་མགྲིན་དབྱངས་སྙན།།

གླུ་ཞིག་ལོངས་དང་། བྲོ་ཞིག་འཁྲོབས་དང་།

གླུ་ཞིག་ལོངས་དང་། བྲོ་ཞིག་འཁྲོབས་དང་།

རིག་པའི་མེ་ཏོག་འཐུ་ཆོག

སྲིད་པའི་གླུ་ཆུང་ལེན་ཆོག

རིག་པའི་མེ་ཏོག་འཐུ་ཆོག

སྲིད་པའི་གླུ་ཆུང་ལེན་ཆོག

ཨ་ཕའི་ཞལ་གསུང་དྲོན་མོ་ཡིད་ལ་བསྒོམས།།

ཨ་མའི་ཁ་ཚིག་འཇམ་པོ་ངག་ལ་འཁྲུངས།།

དབྱངས་ཅན་ལྷ་མོའི་བྱིན་རླབས་སེམས་ལ་ཤར།།

ཁ་བ་ཅན་གྱི་བོད་མོའི་མགྲིན་དབྱངས་སྙན།།

གླུ་ཞིག་ལོངས་དང་། བྲོ་ཞིག་འཁྲོབས་དང་།

གླུ་ཞིག་ལོངས་དང་། བྲོ་ཞིག་འཁྲོབས་དང་།

གངས་ལ་ཉི་མ་ཤར་ཡོང་།

ས་ལ་ལོ་ཏོག་བཞད་ཡོད་།

གླུ་ཞིག་ལོངས་དང་། བྲོ་ཞིག་འཁྲོབས་དང་།

གླུ་ཞིག་ལོངས་དང་། བྲོ་ཞིག་འཁྲོབས་དང་།

གངས་ལ་ཉི་མ་ཤར་ཡོང་།

ས་ལ་ལོ་ཏོག་བཞད་ཡོད་།

ས་ལ་ལོ་ཏོག་བཞད་ཡོད་།