在于我-代青拉姆

རང་གི་ལག་རེད།

在于我

གཞས་ཚིག་རྩོམ་པ་པོ།  ཚུར་ལེན།

词：次林

དབྱངས་རྩོམ་པ་པོ།   ངག་དབང་བཀྲ་ཤིས།

曲：昂旺扎西

གཞས་གཏོང་མཁན།  བདེ་ཆེན་ལྷ་མོ།

演唱：代青拉姆

བདེ་སྐྱིད་འདི་མི་འདུག་མ་སེམས། །

བདེ་སྐྱིད་ནི་རང་ལ་རག་ལས། །

ལྷན་དུ་སྐྱོད། ནམ་ཡང་ལྷན་དུ་སྐྱོད།

གུ་ཡངས་ཀྱི་སེམས་རྒྱ་མ་ལྷོད་པར། །

རང་རྟོན་གྱི་ལམ་ནས་སྐྱོད་འགྲོ། །

དགོད་ཤོག  སྤྲོ་ཤོག  སྔར་བཞིན་སྐྱོད།

སྡུག་བསྔལ་རང་གིས་མ་ཉོ། །

བདེ་སྐྱིད་སེམས་ལ་ཐུག་ཡོད། །

ལྷན་དུ་སྐྱོད།

མདུན་ལམ་འདི་རིང་འདུག་མ་སེམས། །

སྙིང་སྟོབས་ཀྱི་སྤོབས་པའི་ངང་ནས། །

མདུན་དུ་སྐྱོད།  ནམ་ཡང་མདུན་དུ་སྐྱོད།

བྱམས་བརྩེ་ཡི་གཤོག་པ་རྐྱོང་ནས། །

བདེ་སྐྱིད་ཀྱི་ཞིང་ལ་ཆས་འགྲོ། །

འཚོལ་འགྲོ། ཆས་འགྲོ།  སྔར་བཞིན་འཚོ།

བརྩོན་འགྲུས་རང་གིས་མ་ལྷོད། །

མདུན་ལམ་རང་ལ་རག་ལས། །

མདུན་དུ་བསྐྱོད།

སྡུག་བསྔལ་གྱིས་བཟི་སོང་མ་སེམས། །

སྤྲོ་སྣང་གིས་བདེ་སྐྱིད་གནང་བས། །

སྐྱིད་ལ་རོལ། ནམ་ཡང་སྐྱིད་ལ་རོལ།

དགའ་སྤྲོ་ཡི་འཛུམ་མདངས་ངོམ་ནས། །

སྙན་འཇེབས་ཀྱི་དབྱངས་ལ་ཞུགས་འགྲོ། །

དགའ་ཤོག སྐྱིད་ཤོག སྔར་བཞིན་འཚོ།

མི་ཚེའི་དགའ་སྐྱིད་ཡོད་ཚད། །

ཚང་མ་རང་གི་ལག་རེད། །

སྐྱིད་ལ་རོལ།