刚珠多吉（上学）

作词 : 康索次

作曲 : 康索次

编曲 : 康索次

རིག་པའི་ཐང་ཆེན་དུ་བསྐྱོད་དགོས།

 上     学

ཚིག   བྷོ་ཊའི་སྲས་མོ།

词   雪域仙女

དབྱངས། གངས་ཕྲུག་རྡོ་རྗེ།

曲   刚珠多吉

གཞས་པ། གངས་ཕྲུག་རྡོ་རྗེ།

原 唱 刚珠多吉

 

འཛམ་གླིང་ལས་ཀྱིས་བསྐོས་པའི་མི་ཡུལ་གྱི་དག་ཞིང་། །

རབ་མཛེས་གངས་དཀར་ཕྲེང་བའི་མུ་ཁྱུད་ཀྱི་དབུས་སུ། །

ཤ་རུས་ཁྲག་རྒྱུན་གཅིག་པའི་མེས་པོ་ཡི་རྒྱུད་འཛིན། །

སྐད་ཡིག་རིག་གཞུང་མཐུན་པའི་ལས་དབང་དེ་དྲན་དགོས།།

 

ཡབ་མེས་དམ་པ་གོང་མའི་ལུགས་གཉིས་ཀྱི་བསླབ་བྱ། །

མ་བཅོས་སྙིང་གི་དབུས་ན་ལྷང་ལྷང་དུ་གཡོ་བཞིན། །

མ་འོང་རེ་འདུན་མཚུངས་པའི་གངས་ལྗོངས་ཀྱི་སྤུན་ཟླ། །

ཤེས་བྱ་རིག་པའི་མ་ཡུམ་སློབ་གླིང་དུ་བསྐྱོད་དགོས། །

ཨོའོ་་་་ཧོ་ཧོ་་་ཡེ་ཡ་རིའི་ལོ། གངས་ཕྲུག་ཚོ།

ཤེས་བྱ་རིག་པའི་མ་ཡུམ་སློབ་གླིང་དུ་བསྐྱོད་དགོས། །

རྣམ་དཔྱོད་ལྷག་བསམ་བཀྲ་བའི་དགེ་རྒན་ལ་བཀུར་ཏེ། །

ཡ་རབས་གཤིས་བཟང་ཅན་གྱི་སློབ་གྲོགས་དང་མཉམ་དུ། །

ན་གཞོན་བོད་ཀྱི་ཤེས་བྱའི་དགའ་ཚལ་གྱི་གླིང་དེར། །

རིགས་མཐུན་འདབ་ལྡན་བུང་བའི་དགའ་སྟོན་ལ་རོལ་ཅིག །

ཕ་མ་བྱམས་སེམས་ཅན་གྱི་རིག་གཞུང་དེ་འཛིན་བཞིན། །

ཀ་ཁ་ག་ངའི་དབྱངས་རྟ་སྙན་མོ་དང་འགྲོགས་ཏེ། །

འཛམ་གླིང་རིག་པའི་ཐང་ལ་གོམ་ཁ་དེ་བསྒྱུར་ཞིང་། །

གནའ་དེང་རིག་པའི་གནས་ལ་འབད་བརྩོན་དེ་མ་ལྷོད། །

ཨོའོ་་་་ཧོ་ཧོ་་་ཡེ་ཡ་རིའི་ལོ། གངས་ཕྲུག་ཚོ།

གནའ་དེང་རིག་པའི་གནས་ལ་འབད་བརྩོན་དེ་མ་ལྷོད། །

ཤེས་ཡོན་འཕེལ་ཁ་བཙན་པའི་དུས་རབས་ཀྱི་ཁྲོད་དུ། །

ནང་གི་བདེ་སྐྱིད་རྒྱས་པའི་ལང་ཚོ་ལ་རོལ་བའི། །

ཕ་མ་སྤུན་གྲོགས་དག་དང་དགོད་སྒྲ་ཡི་འཚོ་བས། །

བསྐལ་བཟང་དགའ་སྟོན་དཔལ་ལ་སྤྱོད་པ་རུ་སྨོན་ནོ། །

ཨོའོ་་་་ཧོ་ཧོ་་་ཡེ་ཡ་རིའི་ལོ། བཀྲ་ཤིས་ཤོག

བསྐལ་བཟང་དགའ་སྟོན་དཔལ་ལ་སྤྱོད་པ་རུ་སྨོན་ནོ། །