缘中情人 伴奏

作词 : 三佰东主

作曲 : 三佰东主

编曲 : 三佰东主

བུ་མོ་རྒྱང་རིང་ནས་ཕེབས་ཡོང་།།

སེམས་པའི་གུར་ཁྱིམ་ལ་འཛོམས་སོང་།།

གུར་མཐའ་མེ་ཏོག་གི་གདན་ལ།།

གཡང་དཀར་ལུག་ཆུང་ཁྱོད་འཁོར་ཡོད།།

བུ་མོའི་སྙིང་གཏམ་གྱི་མགུར་མ།།

སེམས་པའི་གུར་ཁྱིམ་ལ་འཐེན་སོང་།།

གུར་མཐའ་བསིལ་རླུང་གིས་བཀྱགས་ན།།

འཛོམས་པ་རྨི་ལམ་ལ་འཁོར་ཡོང་།།

བུ་མོའི་ཁྲེལ་གཞུང་གི་སྦྲང་ཆར།།

སེམས་པའི་གུར་ཁྱིམ་ལ་བབས་ཡོད།།

གུར་ཆུང་འཇའ་འོད་ཀྱིས་བརྒྱན་ན།།

མི་ཚེའི་སྨོན་ལམ་དེ་འགྲིག་ཡོང་།།

བུ་མོ་རྒྱང་རིང་ནས་ཕེབས་ཡོང་།།

སྐྱིད་ཀྱི་སྦྲ་ཁྱིམ་ལ་འཛོམས་སོང་།།

སྦྲ་འདབས་ནེའུ་གསེང་གི་གདན་ལ།།

གཡང་གི་བེའུ་ཆུང་ཁྱོད་འཁོར་ཡོད།།

བུ་མོའི་ཞེ་སེམས་ཀྱི་ཆར་བ།།

སྐྱིད་ཀྱི་སྦྲ་ཁྱིམ་ལ་ཕབ་ཡོད།།

སྦྲ་མཐའ་སྨུག་པ་ཞིག་འཐིབ་ན།།

རྫི་གླུ་སྙན་མོ་དེ་དྲན་ཡོང་།།

བུ་མོའི་དུང་སེམས་ཀྱི་འོ་མ།།

སྐྱིད་ཀྱི་སྦྲ་ནང་ལ་ལྟེམས་ཡོད།།

སྦྲ་ཆུང་ནོར་བུ་ཡིས་བརྒྱན་ན།།

མི་ཚེའི་སྨོན་ལམ་དེ་འགྲིག་ཡོང་།།

སྦྲ་ཆུང་ནོར་བུ་ཡིས་བརྒྱན་ན།།

མི་ཚེའི་སྨོན་ལམ་དེ་འགྲིག་ཡོང་།།