普久【情歌】

编曲 : q&p曲培音乐

བརྩེ་གླུ།

གཞས་ཞིག བསྟན་འཛིན་སེང་གེ

གཞས་གདངས། འཕུར་བསྐྱོད།

གཞས་པ། འཕུར་བསྐྱོད།

ཡིག་སྦྱོར། ཆོས་འཕེལ།

སྒྲ་ལེན་དང་སྒྲ་སྙོམ་སྒྲིགས། ཚེ་རིང་གྲགས་པ།

ཞེ་མཐུན་སྙིང་གྲོགས་ལ་ཕུལ་བའི།།

མཛའ་བརྩེའི་ཕྱི་ཐག་དེ་བརྟན་ཡོད།།

ཁྱེད་དང་འུ་གཉིས་ཀྱི་དམ་ཚིག།

སྲིད་པ་ཆགས་པ་ཡི་དཔེ་ཡིན།།

ལས་དབང་སྟོང་ཚོ་ཡིས་བསྐྲུན་ཞིང་།།

འཚོ་བ་ཁྲི་ཕྲག་གིས་ཟིན་པའི།།

ཁྱེད་དང་འུ་གཉིས་ཀྱི་གཏམ་རྒྱུད།།

འཇིག་རྟེན་སྲིད་པ་ཡི་རྒྱན་ཡིན།།

དགའ་སྐྱོ་ཁྲི་འབུམ་གྱི་ཀློང་ནས།།

དར་རྒུད་བརྒྱ་སྟོང་གིས་བྲིས་པའི།།

ཁྱེད་དང་འུ་གཉིས་ཀྱི་ལས་དབང་།།

འཇིག་རྟེན་བརྩེ་སྒྲུང་ཞིག་ཡིན་སོང་།།

རེ་འདུན་མཆོག་གསུམ་ལ་བཅོལ་བས།།

བསམ་པའི་ཁ་ཕྱོགས་དེ་ནོར་མེད།།

ངེས་མེད་མི་ཚེ་ཡི་བརྒྱུད་རིམ།།

ཐོད་པའི་རི་མོ་ཡིས་གང་བསྐོས།།

曲培文化宣传