巴丁久美【家乡格仲安居乐业】

编曲 : q&p曲培音乐

ཡུལ་དགེ་འབྲོང་བདེ་མོ་སྐྱིད་པོ་ཡིན།

ཚིག ཀརྨ་བཀྲ་ཤིས།

དབྱངས། རག་ཤི་ཀརྨ་བསམ་གཏན།

ལེན་མཁན། དཔལ་ལྡན་འགྱུར་མེད།

གླུ་ཚིག་བསྡུས་འགྲེལ།  མེ་ལོང་།

ང་ད་ནངས་ཡོང་ཡོང་དགེ་རྒྱལ་ཡུལ་ནས་ཡོང་ཡིན།།

གནས་བླ་མ་ནོར་ལྷའི་བྱིན་རླབས་ཁྱེར་ནས་སླེབས་ཡོད།།

བསང་རླུང་རྟའི་མཆོད་སྤྲིན་ལྷ་ལ་ཕུལ་བཞིན་སླེབས་ཡོད།།

དཀའ་མ་ཐལ་ངེད་ཚང་བདེ་མོ་སྐྱིད་པོ་ཡིན་ལགས།།

གཡང་ཕ་ས་གྲུ་བཞི་བདག་མེད་ལུང་སྟོང་བྱས་མེད།།

ཕ་འབྲོག་པའི་འཚོ་གནས་ཁྱད་ནོར་རྩ་མེད་བཏང་མེད།།

ཡུལ་ཕུ་ནུ་དགའ་བའི་གཏམ་བཟང་ཁྱེར་ནས་སླེབས་ཡོད།།

དཀའ་མ་ཐལ་ཚང་མ་བདེ་མོ་སྐྱིད་པོ་ཡིན་ལགས།།

ང་ད་ནངས་ཡོང་ཡོང་འབྲོང་པའི་ཡུལ་ནས་ཡོང་ཡིན།།

ལྕི་ལྷ་ཁང་སྨུག་མོའི་ཕྱྭ་གཡང་ཁྱེར་ནས་སླེབས་ཡོད།

གཡང་ཆགས་པའི་དགེ་མཚན་གཞན་ལ་ངོམ་བཞིན་སླེབས་ཡོད།།

དཀའ་མ་ཐལ་ངེད་ཚང་བདེ་མོ་སྐྱིད་པོ་ཡིན་ལགས།།

བོད་ཁ་བའི་ཆ་ལུགས་སྲོལ་རྒྱུན་གཞན་ལ་འགྱུར་མེད།།

བྱམས་སྙིང་རྗེའི་ལྟ་བ་དགེ་མེད་སྡིག་ལ་བསྐུར་མེད།།

ཕ་མེས་པོའི་སྤྲད་པའི་ནོར་བུ་ཁྱེར་ནས་སླེབས་ཡོད།།

དཀའ་མ་ཐལ་ཚང་མ་བདེ་མོ་འཚམ་པོ་ཡིན་ལགས།།

ང་ད་ནངས་ཡོང་ཡོང་དགེ་འབྲོང་ཡུལ་ནས་ཡོང་ཡིན།།

ཡུལ་དགེ་འབྲོང་སྡེ་བའི་ལོ་རྒྱུས་ཁྱེར་ནས་སླེབས་ཡོད།།

བཀྲ་ཤིས་པའི་གླུ་ཆུང་བོད་ལ་ལེན་བཞིན་སླེབས་ཡོད།།

དཀའ་མ་ཐལ་ངེད་ཚང་བདེ་མོ་སྐྱིད་པོ་ཡིན་ལགས།།

བོད་ཁ་བའི་རིགས་ཞེན་སྙིང་གི་དབུས་ནས་ཡལ་མེད།།

ཕ་བླ་མའི་ཞལ་གསུངས་སེམས་ཀྱི་གཏིང་ནས་བརྗེད་མེད།།

བཀྲ་ཤིས་པའི་ཁ་བཏགས་ལག་ཏུ་བཟུང་ནས་སླེབས་ཡོད།།

དཀའ་མ་ཐལ་ཚང་མ་བདེ་མོ་འཚམ་པོ་ཡིན་ལགས།།

དུས་དེ་རིང་ང་ཚོ་མཉམ་དུ་བྲོ་ཞིག་འཁྲབ་ཤོག།

སེམས་དགའ་བའི་སྐོར་བྲོ་མཉམ་དུ་ཡ་ལ་འཁྲབ་ཤོག།

དུས་དེ་རིང་ང་ཚོ་མཉམ་དུ་གླུ་ཞིག་ལོངས་ཤོག།

སང་ཡང་ཡང་མཇལ་བའི་གླུ་ཞིག་ཡ་ལ་ལོངས་ཤོག།