su bolup

作词 : ozhal

作曲 : ozhal

编曲 : ozhal

دىلرەبالار ئالدىدا بىگانىلەردىن دەڭ مېنى

يەتتە ئىقلىمدا غېرىپ يېگانىلەردىن دەڭ مېنى

يېگانىلەردىن دەڭ مېنى

كۆزلىرىمگە يامرىغان كىمنىڭ قاراڭغۇ ھەسرىتى

ئىشقى يال-يال چاقنىغان دۇردانىلەردىن دەڭ مېنى

دۇردانىلەردىن دەڭ مېنى

ئۆركىشىم دەريادا سۇنى سۆيگىلى ئۆركەشلىگەي

ۋەسلىيادىغا جۇنۇن-مەستانىلەردىن دەڭ مېنى

مەستانىلەردىن دەڭ مېنى

ئايىغىمدا يەر باياۋان، باشتا ئاسمان دەشتى چۆل

مەنزىلى ئەپسانىۋار سەرسانىلەردىن دەڭ مېنى

يۈرىكىم كۆكسۈمگە تىكلەنگەن مۇھەببەت بايرىقى

باغرى قان، پەيمانى جان، ھەيرانىلەردىن دەڭ مېنى

ھەيرانىلەردىن دەڭ مېنى

قىپقىزىل چوغدەك ئېچىرقاش ئۆركىشىدە نالىلەر

مىڭ يىلاندەك تولغىنىپ، پەرۋانىلەردىن دەڭ مېنى

خورجىنى تولغان ھاياتنىڭ قىسمىتىگە لىقمۇلىق

بىر ئۆلۈمگە زارۇزار دىۋانىلەردىن دەڭ مېنى

دىۋانىلەردىن دەڭ مېنى