康珠曲增

རེ་འབོད་གླུ་ཡི་མཆོད་པ།

ཚིག མགར་དར་རྒྱས།

དབྱངས་། གངས་ཕྲུག་རྡོ་རྗེ།

ལེན་མཁན། ཁམས་ཕྲུག་ཆོས་འཛིན།

དེང་སང་སྤྱི་ཚོགས་འདི་ཡི་མི་རྒན་འགས།

ཉེར་བཞེས་དུས་ཚོད་ཤོ་དང་བག་ལ་བསྐྱལ།

རྒྱུ་ནོར་ཡོད་ཚད་གཞན་གྱིས་ལག་དུ་ཤོར།

བུ་རྒྱུད་བཟའ་ཟླའི་མི་ཚེ་སྡུག་ལ་བསྐུར།

ང་ཡི་སྤུན་ཟླ། ང་ཡིའི་རེ་བ།

ཤོ་བག་མ་རྒྱག་རོག

བུ་ཕྲུག་ནི་ཁྱོད་ཀྱིས་ཤ་ཁྲག་རེད།

བཟའ་ཟླ་ནི་ཁྱོད་ཀྱིས་འཚོ་བརྟེན་ཡིན།

རྒྱུ་ཤོར་དང་བཟའ་འཛིང་ངུ་སྐད་སོགས།ཁྱོད་ཀྱིས་ཕམ་ཁ་ཡིན།

ཉེར་གཅིག་དུས་རབས་འདི་ཡི་གཞོན་སྐྱེས་རྣམ།

ཉིན་མཚན་དུས་དྲུག་ཆང་རག་རྒྱུན་སྤྱོད་ནས།

ང་ངར་ཁོ་འཇིག་ཟེར་ནས་འཛིང་རྩོད་སློང།

མི་ཚེ་མདུན་ལམ་ཕམ་ཁ་འོག་ནས་ཤོར།

ང་ཡི་སྤུན་ཟླ་ ང་ཡིའི་རེ་བ།

མགོ་བོ་ཡར་ལ་ཀྱོག།

འཇིག་རྟེན་འདི་ཁྱོད་ཀྱིས་ཞིང་ཁམས་རེད།

ཚེ་སྲོག་ནི་ཁྱོད་ཀྱིས་ནོར་བུ་ཡིན།

མི་ཁ་དང་ཚིག་རྩུབ་སྲོག་ཤོར་སོགས།ཁྱོད་ཀྱིས་ཕམ་ཁ་ཡིན།