那曲卡

作词 : 浪者组合

作曲 : 浪者组合

ཆུང་ཆུང་ཆུང་ནས་འཚར་ལོངས་བྱུང་ས།

ཕ་ཡུལ་ནག་ཆུ་ཁ།

གཞོན་ནུའི་གཞོན་ནུའི་ལང་ཚོ་རྒྱས་ས།

ཕ་ཡུལ་ནག་ཆུ་ཁ།

སྟག་ཤར་གཡས་ནས་ང་རྫིག་ཁོ་རྫིག

དམན་ཆུང་གཡོན་ནས་ང་མཛེས་ཁོ་མཛེས།

ཨ་ལ་མདོ་བའི་བང་རྩལ་འགྲན་ས།

ཐ་ལ་གེ་སར་སྒྲུང་གཏམ་དར་ས།

ཨ་ལ་ལ་མོ་ཨ་ལ་ལེན་ཁོ་རེ།

ཐ་ལ་ལ་མོ་ལེན་ནས་འགྲོ་དགོས་རེད།

གླུ་ཨ་ལ་ལེན་བཞིན་ནག་ཆུ་ཁ་ལ་འགྲོ།

གླུ་ཨ་ལ་ཨ་ལ་ཨ་ལ་རེད།

མ་ཐ་ལ་ངག་གིས་འགུག་ལུགས་རེད།

ཡང་ས་འདི་ས་ངོ་མ་ཤེས་ན།

སོག་གཡག་ལ་བསེ་བོའི་ལ་རྩེ་རེད།

བུ་དབང་ཐང་ཅན་གྱི་རྒྱབ་རི་རེད།

བསང་རླུང་རྟ་མཆོད་ན་འདི་ནས་མཆོད།

དུས་དེ་རིང་བུ་ལ་ལྡོང་གྲོགས་མཛོད།

ཕ་ཨ་མྱེའི་གླིང་སྒྲུང་ཉན་ཉན་ཉིན་སྒྲུང་གཞན་ཉན་ན་ཉན་འདོད་མི་གདའ།

བྱང་འབྲོག་པའི་དམངས་གླུ་བླངས་བླངས་ཉིན་གླུ་གཞན་ལེན་ན་ལེན་འདོད་མི་གདའ།

བྱང་འབྲོག་པའི་སྒོར་བྲོ་འཁྲབ་འཁྲབ་ཉིན་བྲོ་གཞན་འཁྲབ་ན་འཁྲབ་འདོད་མི་གདའ།

ཕ་འབྲོག་པའི་འབྲོག་ཟས་ཟོས་ཟོས་ཉིན་ཟས་གཞན་ཟོས་ན་ཟ་འདོད་མི་གདའ།

ལྟོས་དང་ཁོར་ཁེད་ནག་ཆུ་ཁ་ལ།

རྩྭ་ཐང་གཡུ་ཡི་མེ་ལོང་སྟེང་ལ་མེ་ཏོག་མགོ་ལྕོག་ལྡེམ་ལྡེམ།

ལྗག་མས་གཤི་ལུ་སངས་སངས།

མདོ་བ་རྟ་ཕོའི་གོམ་ལག་དེ་ཚོ་ས་ལ་མ་ཐུག་ལྡེམ་ལྡེམ།

གནམ་ལ་མ་ཐུག་ཁྲིག་ཁྲིག

སྟག་ཤར་གཞོན་ནུའི་ཀི་སྒྲ་དེ་ཚོ་ཨ་སྔོན་གནམ་ཡང་བསང་བསང་།

དོག་མོ་ས་ཡང་ཡོམ་ཡོམ།

དམན་ཆུང་བུ་མོའི་སྐྲ་ལོ་དེ་ཚོ་ལུས་ལ་མ་ཐུག་ཤམ་ཤམ།

ས་ལ་མ་ཐུག་ཁྲིག་ཁྲིག

ལྡེམ་ལྡེམ་གར་གྱི་སྟངས་སྟབས་མཛེས་ས།

སྐྱིད་པའི་ནག་ཆུ་ཁ།

སྙན་སྙན་དམངས་གླུའི་བྲོ་བ་སྙན་ས།

དགའ་བའི་ནག་ཆུ་ཁ།

ཕོ་གསར་གཡས་ནས་ལ་གཞས་ལེན་ས།

མོ་གསར་གཡོན་ནས་བྲོ་གར་ལྡེམ་ལྡེམ།

ཨ་ལ་འབྲོག་གླུ་རྣ་བར་སྙན་ས།

ཐ་ལ་གར་གྱི་སྟངས་སྟབས་མཛེས་ས།

ཨ་ལ་ལ་མོ་ཨ་ལ་ལེན་ཁོ་རེ།

ཐ་ལ་ལ་མོ་ལེན་ནས་འགྲོ་དགོས་རེད།

གླུ་ཨ་ལ་ལེན་ཞིག་ལོ་ཆུང་མཉམ་དུ་འགྲོ།

དགའ་མོ་རེད་ཡ།

ས་ཆ་སྐྱིད་པོ་གཅིག་དང་སྐྱིད་པོ་གཉིས།

དགའ་ཡ་ལ་དགའ་མོ་རེད།

སྐྱིད་ཡ་ལ་ན་སྐྱིད་པོ་རེད།

སྐྱིད་པོ་རེད་ཡ།

ས་ཆ་སྐྱིད་པོ་རང་ཡུལ་ལུང་པ་རེད།

དགའ་ཡ་ལ་དགའ་མོ་རེད།

སྐྱིད་ཡ་ལ་སྐྱིད་པོ་རེད།

རེད་ལ་སེ།

སྐྱིད་ཡ་ལ་སྐྱིད་པོ་རེད།

སྟག་ཤར་གཞོན་ནུ་ཉོབ་ནས་མ་འདུག་དགྲ་ཀི་ལན་གཅིག་རྒྱོབ་ཤོག

ཀི་ཧེ་ཧེ་་་

དམན་ཆུང་བུ་མོ་ཉོབ་ནས་མ་སྡོད་རྡོག་བྲོ་ལན་གསུམ་རྒྱོབ་ཤོག

འུ་འུ་་་་་

སྟག་ཤར་གཡས་ནས་ང་རྫིག་ཁོ་རྫིག

དམན་ཆུང་གཡོན་ནས་ང་མཛེས་ཁོ་མཛེས།

ཨ་ལ་སྟག་ཤར་དབུ་འཕང་མཐོ་ས།

ཐ་ལ་དམན་ཆུང་སྐྱེས་གཟུགས་མཛེས་ས།

ཨ་ལ་ལ་མོ་ཨ་ལ་ལེན་ཁོ་རེ།

ཐ་ལ་ལ་མོ་ལེན་ནས་འགྲོ་རེད།

གླུ་ཨ་ལ་ལེན་བཞིན་ང་ཚོ་མཉམ་དུ་འགྲོ།