晚安

Y-Man Verse:

冲凉洗头之后讲句早唞

放低电话即刻捐入被窦

安静嘅夜晚特别钟意写歌

就趁呢刻捕捉呢种感觉

攞起枕头隔离嗰本歌词簿

可惜谂法太多支笔追唔到

唯有谂过其他重新出发

初衷嘅感觉从心出发

眯埋双眼望住蓝蓝嘅天

身体瞓住喺绿油油嘅草边

一手拎住支香味透支嘅鲜花

日光日白都睇到烟花

AM、PM各样一打

早安晚安一字之差

最后乜差都捉唔到

晚安 请捉住青春嘅尾巴

Vyan Verse:

熄灯。月亮嘅光线

穿过黑幕，桥梁被搭建

不断滑落天堂嘅和弦

融入雾气散落喺耳边

日头孭住沉重嘅书包

有种人叫老板，佢逼你到处跑

建议将生活压力通通打包

呢一刻要宁静，严禁喧闹

冇错，世界遍布谎言

避无可避，就算相隔光年

最好，拉上夜色嘅拉链

抵挡唔到辐射，但保护你嘅信念

一切都会轮回更新

世界上唔会有永久嘅疤痕

要遇见太阳先要捱过黑暗

晚安，可爱嘅地球人

Ono Verse:

灵魂寄存喺每一个夜晚

每一首歌每一种Flow每一个字眼

或者 咁嘅轻描淡写

你会爱上深夜嘅讲者

一罐可乐一包烟

睇下灵感去咗边

偏要选择夜晚

一个属于甩咗色嘅时间

有时唔知点去落笔

有时烧咗去另一忽

唔该 叫一个暂停

星座控又喺度刷屏

关于听日嘅剧情

我今晚冇睇预告

关于听日嘅剧本

我今晚仲未遇到

Fat B Verse:

每一个夜晚，相同嘅时间

动听嘅音乐将疲倦打散

带上耳机，深呼吸起飞

眯埋双眼俾我感受到你

重复嘅节奏，跟住血液全身流走

日头嘅烦恼俾音乐赶走

全身放轻松好似身处月球

神奇嘅地方，我讲紧我嘅被窦

呢一刻我感受自由

ChillGun Music係我嘅字头

漫漫长夜最好加杯啤酒

不过有音乐我已经足够

係咪明天会更好？

要听日朝早先知道

今晚都未过，唔好谂太多

讲声晚安 周公急Call